حیدر بایا

حیدر بابا ، ایلدریملار شاخاندا

سللر ، سولار شاقلدیوب آخاندا

قیزلار اونا صف باغلیوب باخاندا

سلام اولسون شوکتوزه ، ائلوزه

منیم ده بیر آدیم گلسین دیلوزه

حیدر بابا ، کهلیکلرون اوچاندا

کول دیبینن دوشان قالخوب ، قاچاندا

باخچالارون چیچکلنوب آچاندا

بیزدن ده بیر ممکن اولسا ، یاد اله

آچیلمیان اورکلری شاد اله

بایرام یئلی چارداخلاری ییخاندا

نوروز گلی ، قارچیچکی چیخاندا

آغ بولوتلار کوینکلرین سیخاندا

بیزده ن ده بیر یاد ایلیه ن ساغ اولسون

دردلریمیزی قوی دیکلسون داغ اولسون

تعصب